Kanë qenë të shumtë këngëtarët shqiptarë që kanë realizuar bashkëpunime me reperë ndërkombëtar.
Edhe Genta Ismajli do i shtohet shumë shpejt kësaj liste, pasi ‘Prive’ ka zbuluar që këngëtarja e dashur shqiptare do publikojë shumë shpejt një bashkëpunim me reperin e njohur turk, Ceza.
Këngëtarja bukuroshe do të këndojë pak turqisht dhe pjesën tjetër në shqip. Prodhimi do jetë nga producentë të huaj dhe kënga pritet të dalë muajin e ardhshëm. Reperi në fjalë është i njohur në Turqi për shumë hite të cilat kanë thyer rekorde dëgjimesh si “Benim”, “Holocaust”, “Teori” etj.
Pak muaj më parë këngëtarja e njohur Genta Ismajli publikoi këngën “Zjarr”.
