Getoar Ukimeraj është një i ri kosovar nga qyteti i Prizrenit, i cili rrugën për sukses në mediat virtuale e ka nisur para 4 vitesh.
Getoari është në prag të përfundimit të studimeve për veterinari, gjë që mund ta vrejmë edhe në postimet e tij, ku nuk ngurron të tregojë dashurinë e tij për kafshët dhe mirëqenien e tyre. Ai poashtu tenton të përdorë popullaritetin e tij në përkrahje të kësaj kauze, duke theksuar nevojën që kanë qentë endacak për trajtim nëpër intervista të ndryshme, raporton Insajderi.
Përpos kësaj, ndër gjërat kryesore që duhet ditur për Getoarin është fakti që ka arritur të bëhet blogeri i parë shqiptar që njëkohësisht është brend ambasador për shumë kompani në Evropë, Amerikë, Australi e tash edhe në Kosovë.
Getorin e bën unik stili i fotografive të tij, për realizimin e të cilave e bën komplet vet ai. Koncepti, editimi, realizimi dhe në fund edhe retouch janë dhuntitë të cilat ai i përdor mjeshtërisht dhe të kombinuara arrijnë të i japin shenjën dalluese aq të lakmuar për një artist./Insajderi.com
