Roman Polanski nuk do të votojë për fituesit e edicionit të 93-të të “Oscars”, sipas vendimit të gjykatëses nga Kalifornia, njofton Insajderi.
Në një seancë në qendër të qytetit mëngjesin e djeshëm, gjykatësja e Gjykatës së Lartë të Los Anxhelosit, Mary Strobel përfundoi se fituesi i turpëruar i çmimit Oskar nuk do të rikthehej në Akademi, pas përjashtimit nga bordi në vitin 2018.
Ndërsa rastet e fshehura ose të pranuara prej kohësh të ngacmimit seksual dhe të sulmit seksual u ekspozuan në fund të vitit 2017 dhe në fillim të 2018-s, Polanski u dëbua për shkelje të Kodit të Sjelljes të AMPAS me përdhunimin enjë vajze 13-vjeçare në vitet 1970 dhe ikjes në Evropë për t’i shpëtuar drejtësisë amerikane.
Në maj të vitit 2018, Akademia tha që dëbimi i Polanski (së bashku me Bill Cosby, i burgosur tani) ndodhi pjesërisht sepse “Bordi vazhdon të inkurajojë standardet etike që kërkojnë nga anëtarët të mbështesin vlerat e Akademisë për respektimin e dinjitetit njerëzor”.
Polanski ka qenë në mërgim të vetë-imponuar në Evropë që kur ai u largua nga SHBA. 40 vjet më parë pasi u dënua për përdhunim. Me shtetësinë e tij franceze si një mburojë mbrojtëse dhe mbështetjen e një numri të producentëve të shquar, bosëve të studiove dhe talentit ndër vite, kineasti me origjinë nga Polonia ka frenuar përpjekjet e ndryshme nga zyrtarët amerikanë për ta rikthyer atë Amerikë për t’u përballuar drejtësinë. /Insajderi.com
Burimi: Deadline
