“Tetova e Dardana” është titulli i këngës më të re, të cilën e ka publikuar Gold AG të shoqëruar me videoklip.
Vet Arian Agushi qëndron prapa këtij projekti, pasi e ka shkruar tekstin dhe e ka bërë muzikën, ndërsa orkestrimin e ka realizuar Alban Furtuna.
Lule Mustafa është kujdesur për vokalin përcjellës, derisa videoklipi është xhiruar nga produksioni XL Films.
Kënga i kushtohet Rahim Beqirit, i njohur si Komandant Roki, i cili ndërroi jetë në vitin 2001 pas plagëve të marra në Drenovec të Tetovës.
Ky projekt është në vazhdën e këngëve patriotike, të cilat reperi ua kushton heronjve të kombit.
