Nga kërkesa për shpalljen e gjendjes së jashtëzakonshme deri tek vendimi anti-kushtetues

Presidenti Hashim Thaçi doli mbrëmjen e 17 marsit para gazetarëve dhe i njoftoi ata për dekretin e shpalljes së gjendjes së jashtëzakonshme pas përhapjes së Koronavirusit në vend.

Qëndrim ky të cilin e kishte marrë pas përfundimit të mbledhjes së Këshillit të Sigurisë Kombëtare, që vetë Presidenti e kishte kërkuar nga Kryeministri Albin Kurti. Pa dyshim se pjesëmarrës në mbledhje ishte edhe ky i fundit.

Pak para mesnatës Presidenti bëri të ditur se tashmë e kishte nënshkruar dekretin dhe se të njëjtin do ta çonte para deputetëve për votim.

Based on my constitutional duties as President, after tonight’s meeting w/ the Security Council of Kosovo, I signed a decree to declare the State of Emergency amid the situation created by the #COVID19 outbreak. I call on the Parliament to get united & to ratify it. pic.twitter.com/yrXZgWXMQT

— Hashim Thaçi (@HashimThaciRKS) March 17, 2020

I menjëhershëm ishte reagimi i Haki Abazit, zëvendësit të Albin Kurti.

“Kryeministri nuk është në pajtueshmëri me propozimin e Presidentit Thaçi. Tani për tani gjendja e jashtëzakonshme është e panevojshme”, tha ai pak para mesnatës në një konferencë për media, shkruan Insajderi.

Qeveria kundër propozimit të presidentit për gjendje të jashtëzakonshme

Pavarësisht mos-pajtimeve qeveria më 23 mars vendosi masa kufizuese për lirinë e lëvizjes për shkak të mospërhapjes së Koronavirusit në vend.

Thaçi po atë natë doli në një konferencë urgjente për media. Tha se vendimi i Kurtit është anti-kushtetues përderisa në vend ende nuk është shpallur gjendja e jashtëzakonshme.

I njëjti një ditë më pas po në një konferencë për media tha se vendimin do ta çoj në Kushtetuese.

Vetëm tetë ditë më pas Gjykata Kushtetuese konstatoi se vendimi i Albin Kurtit është anti-kushtetues. I njejti vendim hynë në fuqi më 13 prill, që i bie se deri atëhere vlen masa e njëjtë për kufizimin e lirisë së lëvizjes.

Deri me këtë ditë mbetet në fuqi vendimi anti-kushtetues i Albin Kurtit

Megjithatë mbetët të shihet nëse Presidenti do ta dërgojë në Kuvend – Dekretin për shpalljen gjendjes së jashtëzakonshme.

Në Kosovë deri tash nga Koronavirusi janë prekur 108 persona, ndërsa një tjetër ka vdekur./Insajderi.com