Kënga “Dark Horse”, në bashkëpunim me Juicy J, projekt që për kohën kur u publikua jo vetëm që ishte një super sukses për këngëtaren por tërhoqi vëmendjen dhe për videoklipin e veçantë. Meqë ra fjala tani që flasim ka 2.5 milairdë klikime në Youtube.
Megjithatë, shumë shpejt pas lancimit të këngës në 2014-ën, Katy dhe skuadra e saj u përballen me akuza pë plagjaturë, më saktë nga reperi jo shumë i njohur Flame. Sipas këtij të fundit, beat-i këngës ishte i kopjuar nga kënga e tij “Joyful Noise”, e cila është kjo më poshtë:
Për ju që e keni harruar, ky është “Dark Horse”:
Dhe akuzat e reperit nuk mbetën vetëm në stadin e zhurmës online, por ai ju drejtua gjykatës, duke paditur kështu këngëtaren dhe producentët e saj për kopje. Dhe tani, pas kaq kohësh që kjo ceshtje shqyrtohej, është dhënë vendimi përfundimtar, që siç mund ta keni kuptuar, është kundra Perry-t. Gjykata e ka shpallur atë fajtore dhe tani e vetmja gjë që ka mbetur të vendoset është shuma e dëmshpërblimit që artistja duhet t’i paguajë Flame. Dhe duke njohur ligjet në SHBA për të drejtën e autorit, na e merr mendja që do të jetë një goxha shumë.
Sipas “Rolling Stones”, avokatët e Katy-t argumentuan në gjykatë që pjesa e këngës, për të cilën thuhet se është kopjuar, në fakt është shumë e shkurtër për t’u mbrojtur nga e drejta e autorit dhe e zakonshme në shumë këngë, megjithatë kjo nuk mjaftoi për të bindur gjykatësit.
