Këngëtarja dhe tekst shkruesja amerikane Shilpa Ray do të performojë për herë të parë në Kosovë me 26 Korrik te Lumbardhi në orën 21:00.
Së bashku me zërin e saj të veçantë – një gjë e rrallë për shkak të papërsosmërisë së saj rrezatuese, Ray është rrëfyesja e tregimit që jeton një jetë si muzikante dhe magjistare për të cilen secila këngë është një jetë tjetër që ajo ka jetuar, shkruan Oxygen Press.
Mbrëmjen do t’a hapin dhe mbyllin djemtë e grupit Tetris nga Prishtina, të cilët do të na sjellin tinguj të bazuar në frazat hipnotike nga një numër tingujsh synth dhe deep bass të cilat do të shoqërohen nga imazhet e filmave eksperimental të viteve 20’ dhe 30’ të kompiluara nga Tetris.
Sezoni i muzikës te Lumbardhi mbështetet nga Komuna e Prizrenit, Gjirafa, BpB dhe Koha Group.
