Disa të famshëm dalin me një deklaratë duke konfirmuar ndarjen, disa të tjerë nuk e adresojnë farë por, këngëtarja, Jessie J zgjodhi komplet një mënyrë të pazakontë për të lajmëruar se është beqare.
Në një video që publikoi në llogarinë e saj në Instagram, ajo shihet duke zënë planin e plotë të kamerës me vithe për të bërë twerk, e ndër të tjerash, shkruan, “Beqaria në pandemi”, duke lënë të kuptohet se ajo është ndarë përfundimisht nga aktori, Channing Tatum, njofton Insajderi.
Pastaj u bënë thirrje ndjekësve të saj të mos e marrin videon shumë seriozisht, sepse ajo thjesht po kënaqet.
Çifti tashmë i ndarë, jo rrallë herë kanë qenë kryefjala e tabloideve, për lidhjen e tyre. Dyshja janë parë herë bashkë e herë vetëm për disa muaj kur ndarja e tyre e parë që ndodhi në dhjetor të vitit 2019 dhe më pas përsëri prill të vitit 2020.
Me postimin e saj, ajo konfirmoi se ndarja e fundit paska qenë edhe finalja. /Insajderi.com