Kim Kardashian ka folur hapur për eksperiencën e saj teksa kujdesej për Kanye West kur ai rezultoi pozitiv për Coronavirus, në fillim të këtij viti.
Reperi tani së fundmi ka zbuluar për “Forbes”, se ai ka qenë i infektuar me COVID-19, njofton Insajderi.
Duke folur për revistën “Grazia”, Kim tha, “Kanye ishte i infektuar në fillim, kur askush nuk e dinte se çfarë po ndodhë”.
“Ishte e frikshme dhe e panjohur. Kisha katër vogëlushët e mi dhe askënd tjetër në shtëpi që të më ndihmonte”.
Ajo tha se i duhej të ndërronte çarçafët e bashkëshortit, teksa mbante dorëza dhe mburojë të fytyrës, dhe i duhej ta ndihmonte që të qohej nga shtrati kur ai nuk ndihej mirë.
“Ishte një sfidë sepse ishte e panjohur. Të ndërroja çarçafët e tij me dorëza dhe mburojë të fytyrës ishte shumë e frikshme”, tha ajo.
Kardashian po ashtu theksoi se West kontraktoi virusin po atë periudhë si Rita Wilson dhe Tom Hanks – që ishin të famshmit e parë që rezultuan pozitiv për Coronavirus në fillim në muajit mars.
West foli për eksperiencën e tij me virusin në një intervistë për “Forbes”, duke thënë se ai kishte shumë ethe. /Insajderi.com
Burimi: Independent.co.uk
