I njohur si një nga këngëtarët e rinj që nuk e merr me vrull lansimin e këngëve të tija, duke pasur parasysh një përzgjedhje të rafinuar të muzikës dhe tekstit, Yll Limani, ka sjellë një këngë të re, e cila duket se ka qenë një hulumtim i gjatë në muzikë, tekst, bashkëpunim dhe video.
“Dritat” titullohet kënga e re e Yll Limanit që e ka sjellë në bashkëpunim me njërin nga reperët më të njohur të muzikës 2po2.
Kënga flet për një dashuri e cila ndizet dhe shuhet vetëm në një moment, kur ndalen dritat.
Përpos muzikës së rafinuar dhe tekstit që duket se është shkruar me shumë kujdes, “Dritat” është edhe një videorealizim i mrekullueshëm, që shpërfaqë një histori në vete.
Kësisoj, “Dritat” del të jetë një nga këngët dhe videot më të realizuara nga Yll Limani./Insajderi.com
