Dje reperi Mc Kresha u bë baba për herë të parë. Ai dhe bashkëshortja e tij Erzina sollën në jetë një vogëlushe të shëndetshme që e quajtën Iza.
Çifti i thanë njëri tjetrit “Po” në dhjetor të vitit të kaluar në një ceremoni ku ishin të ftuar familjarë e miq të ngushtë të dyshes, njofton Insajderi.
Ndonëse të martuarit nuk janë shumë publik në rrjete sociale, ishte babai i Erzinës ai që dha lajmin për ardhjen në jetë të foshnjës në rrjetin social Facebook, ku dhe zbuloi emrin e saj, Iza.
Iza, emër ky shumë i rrallë në vendin tonë, është emër vajze shumë i famshëm në kulturën hebre, që është gjithashtu vendi i origjinës së emrit. Sipas uebfaqes, behindthename.com kuptimi i emrit Iza është (Zoti është premtimi im) dhe një tjetër variant i këtij emri në vende të ndryshme të botës është Izabela. /Insajderi.com
