Sapo ajo ka shkelur skenën shqiptare në sheshin ‘Nënë Tereza’ është pritur me brohoritje. Ndërsa Bebe Rexha ka shpërthyer në lot dhe ka treguar sa shumë i do shqiptarët. Pastaj ka filluar të këndojë.
Janë të shumtë fansat shqiptarë që kanë dalë vetëm për të dëgjuar yllin shqiptar me famë botërore, Bebe Rexha. Ajo e ka elektrizuar skenën e cila shndrit e gjitha nga dritat shumëngjyrëshe.
“Ju Dua. Kam frikë ta flas gjuhën shqiptare. Unë jam dibrane. Nuk jam perfeke”, ka thënë Bebe.
Këngëtarja ka thirrur në shqip edhe prindërit e saj. Bebe ka brohoritur një zëri me publikun “Dibra, Dibra..”
Pas debutimit të këngëve të saj, publiku shqiptar ka qenë aq i zjarrtë sa të gjithë kanë brohoritur për yllin botëror me origjinë shqiptare.
Bebe është emocionuar dhe është përlotur duke falënderuar publikun e saj.
“Ata që më përkrahin më shumë kudo ku shkoj janë shqiptarët”, ka thënë Bebe.
Këngëtarja gjithashtu ka bërë shqiponjën me duar. Dhe ka bërtitur me të madhe: “Ju Dua”./Insajderi.com
