Shfaqja e fundit hit në Netflix (të paktën, sipas Netflix) është “Lupin”, një serial në gjuhën frënge që
Seriali po thyen edhe barrierat gjuhësore, që duket se tërheq më shumë shikues sesa “La Casa de Papel”. Ky serial në gjuhën spanjolle, i titulluar Money Heist për audiencat anglisht-folesë, mbretëroi më parë si shfaqja më e madhe e Netflix në gjuhë jo-angleze.
Netflix tha se parashikon që Lupin do të shikohet nga më shumë se 70 milion llogari brenda katër javëve të para të lëshimit. Për ta vënë atë në kontekst, The Ëitcher – seriali origjinal më i shikuar i Netflix që kur kompania filloi të raportonte këto statistika – goditi 76 milionë llogari.
Çfarë bëhet fjalë në “Lupin”?
Historia ndjek hajdutin profesionist Assane Diop, djali i vetëm i një emigranti nga Senegali i cili kishte ardhur në Francë për të kërkuar një jetë më të mirë për fëmijën e tij.
Babai i Assane vihet në kurth për vjedhjen e një gjerdani të shtrenjtë diamanti nga punëdhënësi i tij, i pasuri dhe i fuqishmi Hubert Pellegrini dhe varet veten në qelinë e tij të burgut nga turpi, duke e lënë Assane adoleshent një jetim.
Njëzet e pesë vjet më vonë, i frymëzuar nga një libër në lidhje me zotin hajdut Arsène Lupine i ati i tij i kishte dhënë atij në ditëlindjen e tij, Assane vendos të hakmerret ndaj familjes Pellegrini, duke përdorur karizmën dhe mashtrimin dhe maskimin për të ekspozuar krimet e Hubert-it. /Insajderi.com
