Muaji qershor i këtij viti paska qenë muaji i jetës. Shumë të famshëm shqiptarë u bënë prindër ose për herë të parë ose përsëri.
Madje, këtë muaj Agjencia e Statistikave të Kosovës publikoi edhe emrat më të shpeshtë bebeve për vitin 2019. Ç’koincidencë e ëmbël, vërtet!
Vetëm dje, u dha lajmi se producenti i njohur shqiptar Arbër Gjikolli – që të gjithë e njohim si Big Bang – dhe gruaja e tij, Blerina Bokshi u bënë prindër për herë të parë. Me 26 qershor 2020, në jetë erdhi një djalë që e quajtën Titan.
Para dy ditësh, edhe aktorja e njohur Fiona Gllavica që u bë e famshme me rolin e Pajtesës në serialin vendor, “Çka ka shpija”, u bë nënë për herë të parë. Ajo dhe bashkëshorti i saj Arbnor Pacolli mirëpritën në jetë një vogëlush me datë 25 qershor dhe e quajtën Lekë.
Me 18 qershor, aktorja Jonida Vokshi dhe producenti Besnik Krapi u bënë prindër për herë të parë. Ata sollën në jetë një vogëlushe me emrin Emi.
Një tjetër cift rishtaz të martuar, Elgit Doda dhe Klea Huta u bënë prindër për herë të parë këtë qershor. Çifti u lindi djalë me datë 4 qershor që i lanë emrin Krid. Gjithsesi, çifti kanë preferuar të mos zbulojnë ende portretin e vogëlushit.
Në ditën e fëmijëve, me 1 qershor, këngëtarja Ryva Kajtazi u bë sërish nënë. Ajo mirëpriti në jetë fëmijën e saj të dytë, një vogëlush që e quajtën Fron.
Njomza Aliu, prezantuesja e njohur e programit ‘Ora e Pasdites’ në Klan Kosova, mirëpriti në jetë fëmijën e saj të dytë. Ajo solli në jetë një vogëlush me 14 qershor, dhe i la emrin Zgjim.
https://www.instagram.com/p/CBa_HH3FNFY/?utm_source=ig_web_copy_link
Edhe personaliteti televiziv, Alba Cocaj, që u bë e njohur fillimisht si banore në Big Brother 8, u bë nënë për herë të parë. Ajo lindi një vajzë me datë 20 qershor, që i lanë emrin Sofia. Ajo disa ditë para se të lindte, kishte ndarë me të gjitha nënat që i druheshin lindjes, disa teknika që po e ndihmonin atë të përballonte procesin e lindjes.
Ndonëse shtatzëninë e saj nuk e kishte bërë publike, ish-Miss Universe Kosova 2009, Marigona Dragusha me datë 18 qershor dha lajmin se është bërë nënë për herë të dytë. Ajo solli në jetë një vogëlush me emrin Leka.
