Mund të keni parë filmat e preferuar nga “Disney”, dhjetëra herë, por disa detaje të vogla, po fare të vogla, ndodhë që nuk i keni vënë re asnjëherë.
“Bright Side” kreu një hulumtim të shpejtë për të zbuluar se cilat ishin disa nga detajet më të fshehura në filmat e Disney, njofton Insajderi.
Nëse keni vënë re disa nga detajet e listuara më poshtë, ju përgëzojmë për vigjilencën.
Xhini nga “Aladdin” shkruan nga e djathta në të majtë.
Aladdin, një nga filmat më të njohur të Disney, u frymëzua nga një përrallë nga një përmbledhje klasike e përrallave popullore të njohura si “Një mijë e një net”. Këto histori ishin të njohura në Lindjen e Mesme dhe filmi i Disney i bën homazh kulturës arabe, madje edhe në detajet më të vogla. Njëra prej tyre është një skenë ku Xhini po vë në dukje dëshirat imagjinare të Aladdinit. Ju mund të shihni qartë se si ai shkruan nga e djathta në të majtë, ashtu si është bërë në arabisht dhe gjuhë të tjera nga Lindja e Mesme.
Kur Maui transformohet, tatuazhi i tij bëhet gjithashtu një peshkaqen.
Në filmin “Moana”, Maui vuan nga transformime të ndryshme derisa të bëhet gjysmë-peshkaqen, gjysmë-njeri; dhe tatuazhet e tij gjithashtu ndryshojnë me pamjen e tij të re, duke kthyer një nga tatuazhet e tij të vegjël në kokën e një peshkaqen dhe këmbët e një burri, ashtu si ai.
Dokumenti i birësimit të Stitch është në të vërtetë një shënim falënderimi për ekipin prodhues dhe krijues.
Në momentin që Lilo bind motrën e saj për të adoptuar Stitchin e adhurueshëm, dokumenti që ajo nënshkruan për ta mbajtur atë është në të vërtetë një letër falënderimi drejtuar stafit të produksionit dhe krijuesve të filmit, “Lilo & Stitch”.
Ndryshe nga luanët e tjerë, Scar gjithmonë i ka kthetrat e zbuluara dhe të gatshme për të sulmuar.
Një nga tiparet më dalluese e maceve të mëdha siç janë luanët, janë thonjtë e tyre. Shumicën e kohës qëndrojnë të fshehura brenda në putra. Vetëm kur një luan ndihet i kërcënuar ose duhet të mbrohet, ata i përdorin këto kthetra. Në filmin, “The Lion King”, Scar ka të ekspozuar kthetrat e tij gjatë gjithë kohës, për dallim nga luanët e tjerë.
Gjatë rënies së Gaston, kafkat shfaqen në sytë e tij.
Gjuetari arrogant dhe mendjemadh, Gaston, doli se nuk ishte një gjuetar kaq i aftë dhe kishte një fund të papritur kur u përpoq të sulmonte Bishën. Në skenën e famshme të filmit kur ai bie nga një kullë e lartë, 2 kafka shfaqen në sytë e tij, si një ogur i keq, duke parashikuar se cili do të jetë fundi i tij.
Nëna Gothel gjithmonë puth dhe prek flokët e Rapunzel kur e përqafon sepse është e vetmja gjë që do tek ajo.
Kur nëna e keqe strehuese e Rapunzel, Nënë Gothel, e merr atë në krahët e saj, e vetmja pjesë që ajo i kushton vëmendje janë flokët e saj. Kjo është në të vërtetë e vetmja pjesë që ajo ledhaton dhe puthë. Në film, kjo është një e dhënë shumë e qartë që zbulon se ajo nuk e do me të vërtetë Rapunzel-in, por do vetëm flokët e saj magjikë. /Insajderi.com
