Këngëtarja e njohur shqiptare, Leonora Jakupi, është duke realizuar një projekt të ri muzikor.
Ajo tashmë ka nisur xhirimet e klipit të ri, i cili do të publikohet i plotë shumë shpejt për fansat.
Për të shuar kureshtjen e fansave që janë në pritje, këngëtarja ka ndarë me ndjekësit e saj në rrjetet sociale disa imazhe nga xhirimet.
E veshur me një fustan të bardhë mjaft elegant, ajo ka provokuar paksa duke treguar pak nga gjoksi te pjesa e hapur e dekoltesë.
Nga imazhet, duket se Leonora do të shfaqet mjaft glamuroze në projektin e ri muzikor, i cili vjen pas një kohe të gjatë mungese në sjelljen e projekteve.
Në anën tjetër, pëlqimet dhe komentet e shumta nga ana e fansave nuk kanë munguar, shumë prej të cilëve e kanë komplimentuar për këtë paraqitje.
