Historia e sulmeve motiv racist nga Mark Wahlberg janë ri-aktualizuar që kur aktori u akuzua për hipokrizi për ndarjen e një postimi që mbështeste lëvizjen “Black Lives Matter”.
Ndërsa jetonte në Boston në vitet 1980, aktori i filmit “Ted”, u akuzua dy herë për krime urrejtjeje të lidhura me racën, duke kryer në burg për një nga sulmet, shkruan The Independent, transmeton Insajderi.
Në vitin 1986, Wahlberg si 15 vjeçar dhe tre shokë u akuzuan për ndjekjen e tre fëmijëve me ngjyrë dhe sulm me gurë ndërsa bërtisnin, “Vritni n****s”, derisa ndërhyri një shofer i ambulancës.
Të nesërmen, Wahlberg ngacmoi një grup tjetër fëmijësh kryesisht me ngjyrë (rreth moshës nëntë apo 10 vjeçare) në plazh, duke mbledhur burra të tjerë të bardhë për t’u bashkuar në abuzime raciste dhe duke hedhur gurë ndaj tyre.
Një incident i dytë në dukje i palidhur me këto të mëparshmet ndodhi dy vjet më vonë në vitin 1988, kur Wahlberg sulmoi dy burra vietnamezë, ndërsa ishte nën efektin e drogës PCP.
Ai sulmoi verbalisht me terma racistë Thanh Lam dhe e la pa ndjenja duke e goditur me një shkop druri të gjatë mbi një metër, ndërsa grushtoi një njeri tjetër, veteranin e ushtrisë Johnny Trinh, në sy më vonë në të njëjtën ditë. Oficerët raportuan se Wahlberg përdori sharje raciste për të përshkruar të dy burrat.
Për sulmin e parë, Wahlberg u shpall fajtor për shkeljen e të drejtave civile të viktimave të tij, me një urdhër të drejtave civile që u lëshua kundër tij dhe dy miqve të tij dhe çështja u zgjidh një muaj më vonë.
Për këtë të fundit, Wahlberg u akuzua për vrasje në tentativë, por u deklarua fajtor për sulm, duke pretenduar se ai ishte i dehur dhe se sulmet nuk ishin të lidhura me racizëm.
Për shkak të urdhëresës së tij të mëparshme për të drejtat civile që e ndalon atë të sulmojë, kërcënojë ose frikësojë ndokënd për shkak të racës ose kombësisë, ai u zbulua se ishte në mospërfillje të gjykatës dhe u dënua me dy vjet burg.
Në fund, Wahlberg shërbeu vetëm 45 ditë burg nga dënimi i tij dy vjeçar për sulm ndaj burrave vietnamezë.
Në vitin 2014, Wahlberg u përpoq të kërkonte falje për sulmin e dytë dhe ta fshinte atë nga të dhënat e tij kriminale, duke thënë se ndërsa fama nuk duhet “në asnjë mënyrë ose formë” të jetë një arsye për ta marrë atë, ai shpresonte që veprimet e tij të fundit do të tregonin se ai kishte ndryshuar.
Si përfundim ai nuk mori një pardon dhe kërkesa u tërhoq dy vjet më vonë. /Insajderi.com
