Pak urtësi nga gjyshi veteran i Eneda Tarifës

Insajderi

Pak urtësi nga gjyshi veteran i Eneda Tarifës

Një rrëfim i shkurtër i këngëtares Eneda Tarifës në llogarinë e saj në Instagram, bëri që të gjithë të vlerësojnë ende më shumë gjyshërit e tyre.

Ajo ndau një fotografi krah gjyshit të saj 93-vjeçar, Sevo Tarifës, një veteran i luftës.

Sevo Tarifa shkrimtar dhe publicist shqiptar, ka qenë ish-sekretar i Bashkimit të Rinisë së Punës së Shqipërisë dhe ka qenë bashkë-redaktor në disa nga veprat e Enver Hoxhës. Gjithashtu, ai ka qenë në bordin drejtues të Institutit të Studimeve Marksiste-Leniniste, njofton Insajderi.

Edhe pse në moshë të shtyrë, ai nuk ka lënë anash shkrimin sepse është shumë e rëndësishme që urtësia e ndër viteve të lihet me shkrim.

“Uniteti i një kombi varet nga uniteti i familjes. Nëse familja nuk është e bashkuar as kombi nuk do të jetë i tillë”, i thotë ai mbesës së tij në një bashkëbisedim që ajo e transkriptoi në postimin e saj.

Eneda me shumë ëndje dëgjon historitë e gjyshit të saj, si ndër të paktë veteranë të luftës që ende jeton.

“Gjyshi im është 93 vjeç, ndër të vetmit veteranë të luftës mbetur gjallë. Tregon e shkruan historira me partizanë e gjermanë, grekë e italianë, mbi familjen e dashurinë, shtetin dhe lirinë”.

Ngado që shkon këngëtaren e pyesin “Ç’e ke Sevo Tarifën?”, dhe shumë krenare ajo u përgjigjet “gjysh”.

“Më mahnit me kthjelltësine e tij dhe me urtësine tipike (të të gjithë gjyshërve shqiptarë). Poooor më lejoni t’ju them se gjyshi im është më i miri, është më i bukuri, më i mençuri. Më lejoni t’ju them se jam mbesa më krenare në botë”.

Më poshtë mund të shihni postimin dhe shkrimin e plotë të këngëtares. /Insajderi.com

View this post on Instagram

-Gjysh, çfare po shkruan ? -Po shkruaj mbi unitetin-tha dhe u kthye nga unë. -Po çfarë konkretisht ? -Ja po them që uniteti i një kombi varet nga uniteti i familjes. Nëse familja nuk është e bashkuar as kombi nuk do të jetë i tillë… Gjyshi im është 93 vjeç, ndër të vetmit veteranë të luftës mbetur gjallë. Tregon e shkruan historira me partizanë e gjermanë, grekë e italianë, mbi familjen e dashurinë, shtetin dhe lirinë. Më mahnit me kthjelltësine e tij dhe me urtësine tipike (të të gjithë gjyshërve shqiptarë). Poooor më lejoni t’ju them se gjyshi im është më i miri, është më i bukuri, më i mençuri. Më lejoni t’ju them se jam mbesa më krenare në botë. Ngado që shkoj më pyesin: -Ç’e ke Sevo Tarifën ? -Gjysh- I them dhe më “ngrihet balli lart” më shumë. Në vendet e zhvilluara gjyshi im do ishte i pasur nga pensioni i majmë. T’u thuash të huajve e kam gjyshin veteran të nderojnë e të thonë kush e di sa i pasur është gjyshi yt… Po, është i pasur, në shpirt e në mendje, është i pasur se ka 9 stërnipër e stërmbesa e së shpejti presim të 10-tën. Është i pasur se jeta i dha mençurine ta jetojë si djalosh përparimtar e gjithmonë i hapur në mendime. Tani në 100- vjetorin tënd do shkruaj prap për ty. Mbesa jote që të do pamasë…♥️ #gjysheritjanemetemiret

A post shared by Eneda Tarifa (@enedatarifa) on Sep 26, 2020 at 3:38am PDT