Leonora Jakupi është një nga këngëtaret më të ndjekura në rrjete sociale, ku është edhe mjaft aktive, por ajo ka pasur një shkëputje nga muzika, të cilës tani i erdhi fundi.
Ndonëse para gati një viti ajo u paraqit në “N’Kosovë Show”, për të performuar krah Ylli Demajt, kënga e saj e fundit ishte “A m’ke harru”, e publikuar një vjet më parë.
Sot, në rrjete sociale, bëri të ditur se ajo ka publikuar një këngë të re që mban titullin “Luj Luj”.
Kënga e re u publikua në kanalin e “N’Kosovë Show” në Youtube.
“Luj Luj” është produksion i “Unix Production” dhe nuk është shoqëruar me videoklip. Më poshtë mund të ndiqni këngën e re të këngëtares. /Insajderi.com
