Nëna e Vanessa Bryant, Sofia Laine, po e paditë atë për mbështetje financiare pas vdekjes së Kobe Bryant.
Laine, 68 vjeçare, ngriti një padi kundër Vanessa, në Kaliforni të martën, 15 dhjetor. Sipas dokumenteve të gjykatës të marra nga “Us Weekly”, Laine pretendon se ajo ka punuar si një “ndihmëse personale dhe dado për një kohë të gjatë” për familjen dhe basketbollisti i ndjerë premtoi se do të kujdesej për të sa të jetë jeta, njofton Insajderi.
Në dokumente pretendohet: “Fatkeqësisht, premtimet e Kobe Bryant nuk panë dritën e diellit pasi ai tani ka vdekur, dhe Vanessa Bryant bëri çdo hap që mundi për të shfuqizuar dhe anuluar të gjitha premtimet e tij. Vanessa Bryant nuk kishte ndërmend të nderonte asnjë nga përfaqësimet, marrëveshjet dhe premtimet e Bryants në asnjë fazë”.
Në një deklaratë për “US Weekly”, Vanessa pretendon se Laine po vazhdon të përpiqet dhe të gjejë mënyra për të zhvatur familjen e saj. Ajo gjithashtu mohon që nëna e saj të ketë qenë ndonjëherë një dado apo asistente personale e saj.
“Ajo ishte një gjyshe e cila u mbështet nga unë dhe dhëndri i saj me kërkesën time,” pretendon ish-modelja.
“Tani dëshiron të më ngarkojë 96 dollarë në orë për gjoja duke punuar 12 orë në ditë për 18 vjet për t’u kujdesur për nipërit e mbesat e saj. Në të vërtetë, ajo vetëm herë pas here kujdesej për vajzat e mia të mëdha kur ato ishin fëmijë. Që nga 10 vjet më parë, fëmijët tanë ishin studentë me kohë të plotë dhe atletë dhe unë nuk kisha një fëmijë tjetër deri në vitin 2016. Pretendimet e saj janë padyshim të rreme, por unë përsëri u përpoqa, në mënyrë të përsëritur, të punoja me nënën time”.
Ajo më tej zbulon se Laine kërkoi 5 milion dollarë, një shtëpi dhe një Mercedes SUV prej saj, por sepse ajo nuk iu dorëzua kërcënimeve të saj të dëmshme dhe kërkesave monetare, ajo ka dalë jashtë kontrollit.
Vanessa thotë se nëna e saj tani po përpiqet të marrë më shumë para sesa ajo dhe bashkëshorti i saj shpenzuan për ta mbështetur financiarisht gjatë gjithë këtyre viteve.
Gjithashtu thekson se Kobe nuk i ka premtuar asaj asnjë gjë sa ishte gjallë. /Insajderi.com
