Pianisti i njohur amerikan Leon Fleisher ka vdekur nga kanceri, në moshën 92 vjeçare, shkruan BBC, transmeton Insajderi.
Fleisher fitoi famë si fëmijë në vitet 1940 por karriera e tij u ndërpre nga një dëmtim i dorës së djathtë.
Ai më vonë e kanalizoi karrierën e tij në drejtimin, mësimin dhe zotërimin e repertorit të dorës së majtë për piano.
Tre dekada më vonë, pas një seri terapish, ai fitioi lëvizjen e dorës së djathtë dhe lulëzoi përsëri me një rikthim në karrierë me dy duar.
Fleisher lindi në San Francisko në vitin 1928, fëmijë i prindërve që emigruan në SH.B.A. nga Evropa Lindore.
Ai filloi të mësonte pianon në moshën katër vjeçare, dhe në moshën nëntë vjeçare ai u ftua të ishte student i pianistit të famshëm klasik Artur Schnabel.
Në moshën 16 vjeçare ai bëri debutimin e tij me Orkestrën Filharmonike në New York dhe vazhdoi në famën ndërkombëtare dhe një karrierë të frytshme regjistrimi.
Por në vitin 1964 Fleisher zhvilloi një sëmundje neurologjike, dystoni fokale, e cila e la të paaftë të luante me dorën e djathtë.
Pas një ndërprerje dy-vjeçare, ai e përqendroi karrierën e tij në mësimdhënie dhe drejtim në Institutin Peabody në Baltimore, dhe në kryerjen e muzikës të shkruar vetëm për dorën e majtë.
“Unë papritmas u kuptova se lidhja ime me muzikën ishte më e madhe sesa vetëm një pianist me dy duar”, i tha ai Radio National Public gjatë një interviste në vitin 2000.
Ai u rikthye të laujë në piano me dy duar në 1995 dhe vazhdoi të regjistrojë dy albume shumë të njohura. Njëra prej tyre, e quajtur Two Hands, është gjithashtu titulli i një dokumentari të nominuar për Oscar i bazuar në jetën e tij. /Insajderi.com
