Është një fuqi e vërtetë tragjike në këtë film pothuajse të padurueshëm, brutal dhe tronditës nga shkrimtarja-regjisore Jasmila Žbanić rreth masakrës së Srebrenicës në 1995 gjatë luftës në Bosnjë, në të cilën ishin më shumë se 8,000 myslimanë boshnjakë të paarmatosur të strehuar u maskruan në një të ashtuquajtur “zonë të sigurt” të Kombeve të Bashkuara: masakra më e madhe civile në Evropë që nga lufta e dytë botërore, shkruan The Guardian, transmeton Insajderi.
Në filmin me titullin “Ku po shkon Aida?”, Jasna Đuričić luan Aida, një mësuese e kthyer në përkthyese e cila është punësuar nga KB për të interpretuar në diskutimet midis udhëheqësve myslimanë të Bosnjës dhe zyrtarëve të KB-së, ndërsa Srebrenica bie në duart e forcave serbe.
Burri i saj Nihad (Izudin Bajrović) është një drejtor i shkollës dhe ata mendojnë se djemtë e tyre në moshë ushtarake Hamdija (Boris Ler) dhe Sejo (Dino Bajrovirov) tani janë në rrezik të madh të hakmarrjeve nga ushtria serbe fituese. Ndërsa ata grumbullohen në fabrikën e baterive të papërdorura nën mbrojtjen e supozuar të KB-së me mijëra shpirtra të tjerë të tmerruar, dhe mijëra të tjerë jashtë, me kaos, skandal dhe panik në rritje, Aida përpiqe të marrë informacion.
Ajo e kupton që komandanti patetik i KB-së Karremans (Johan Heldenbergh) nuk mund të bëjë asgjë përballë ngacmuesve vrasës të udhëhequr nga krimineli famëkeq i luftës Ratko Mladić, i luajtur me një mendjemadhësi dhe mospërfillje tmerrësisht të besueshme nga Boris Isaković, i cili deklaron se nuk do të lëndojë njerëz “të pafajshëm” dhe shpërndan pas hekurave cokollata Toblerone për fëmijët e tmerruar.
Sa për titullin, është marrë nga tradita e krishterë apokrife që Pjetri takoi Krishtin e ringjallur jashtë Romës dhe e pyeti: “Quo vadis?” – “Ku po shkon?” – dhe përgjigjja ishte: në Romë, për t’u kryqëzuar përsëri.
Vetë Aida kryqëzohet dy herë, një herë gjatë masakrës dhe përsëri më pas, pasi fillon të njohë njerëz të caktuar në komunitetin ku është ribashkuar.
Pas 25 vjetësh, ka ardhur koha për të parë sërish tmerrin e Srebrenicës dhe Zbanic e ka bërë këtë me dhembshuri dhe çiltërsi. /Insajderi.com
