Reperi Lil Wayne (Dwayne Michael Carter Jr) është akuzuar për armëmbajtje dhe përballet me 10 vjet burg nëse dënohet, njofton The Guardian, transmeton Insajderi.
Avokati i Carter, Howard Srebnick, tha për Vulture se akuza i përkiste një kontrolli në avionin privat të yllit në Miami në vitin 2019.
Gjatë kontrollit u zbulua një pistoletë të veshur me ar në bagazhet e tij, për të cilën Carter tha se ishte një dhuratë për ditën e babait.
Carter, i cili më parë kaloi tetë muaj në burgun e Rikers Island me një akuzë për armë, e ka të ndaluar të ketë armë zjarri.
“Nuk ka asnjë pretendim se ai e ka shkrepur atë ndonjëherë, e ka vringëlluar, e ka përdorur ose e ka kërcënuar se do ta përdorë”, tha Srebnick. “Nuk ka asnjë pretendim se ai është një person i rrezikshëm”.
Vulture raporton se Carter nuk është në paraburgim dhe nuk është arrestuar. Ai thirret të paraqitet në gjykatë më 11 dhjetor. /Insajderi.com
