John Horgan, politikan nga British Columbia, ka thirrur aktorin Ryan Reynolds për të ndikuar lidhur me seriozitetin e pandemisë Covid-19.
Ryan Reynolds postoi një audio mesazh argëtues por të rëndësishëm në faqen e Twitter-it të politikanit kanadez, raporton Daily Mail, shkruan Insajderi.
Sipas raportimeve, të rinjtë në British Columbia janë duke dalë dhe duke u argëtuar, pa aplikuar distancë sociale gjatë pandemisë, kështu që politikani ka tentuar të marrë vëmendjen e tyre përmes influencës së aktorit të famshëm.
Horgan tha të mërkuren se: “Ne kemi nevojë që të rinjtë të e kuptojnë se tash nuk është koha të shkojnë në ndeja të mëdha.”
Reynolds, i cili vjen nga Vancuver, ka lënë një mesazh zanorë të drejtuar të rinjëve.
“Nuk jam i sigurtë nëse kjo është ide e mirë. Unë nuk besoj që ata duan këshilla mjekësore, nga një tip si unë. Përpos nëse është fjala për kirurgjinë plastike; shumë mund të mos e dinë, por unë dikur isha Hugh Jackman.”
“Të rinjtë në B.C. janë duke u argëtuar, gjë që është e rrezikshme. Ata ndoshta nuk e dinë që mijëra njerëz jo vetëm që janë duke u sëmurur nga pandemia, por ata janë duke vdekur. Është e tmershme që kjo epidemi ka ardhur edhe në B.C., në vendin ku jetojnë shumë njerëz të vjetër dhe cool. Nëna ime nuk do të rrijë në apartmentin e saj gjatë gjithë ditës. Ajo dëshiron të shëtitet nëpër Kitsilano Beach, duke kërkuar për ndonjë djalë 30 e diçka vjeç, për të u bërë si Mrs. Robinson. Ajo është e pangopur, “ tha aktori, i cili me humorin e tij e krahasoi nënën e tij me personazhin e filmit ku një grua e vjetër ka një romancë me një djalë të ri.
“Shpresoj që të rinjtë në B.C. të mos ma vrasin nënën,” përfundoi ai duke u kthyer në seriozitet.
Reynolds e përfundoi mesazhin e tij me humor poashtu.
“Unë i dua ndejat. Gjëja ime e preferuar është të rri vetëm në dhomë dhe të shoh 32 sezonat e Gossip Girl me një gotë gjin,” tha ai./Insajderi.com