Sot, Kosova dhe shqiptarët kudo në botë po festojnë 13 vjetorin e shpalljes së Pavarësisë. Monumenti Newborn ndryshoi pamje ndërkaq shumë fytyra publike uruan popullin shqiptar, njofton Insajderi.
Ndërkaq, Rina Balaj jo vetëm që uroi popullin e saj në këtë ditë, ajo zbuloi edhe diçka që nuk e dinim më parë, Në krahun e saj ajo ka të gdhendura disa tatuazhe që shpesh i kemi parë, por asnjë nga adhuruesit e saj nuk kanë ditur kuptimin që fshihnin.
Gdhendja me bojë në lëkurë në formë të grilave të burgut, fluturës dhe zjarrit i dedikohen të gjithë njerësve që i mbijetuan luftës në vitin 1999, vitin kur ajo erdhi në jetë.
“Gëzuar Ditën e Pavarësisë Kosovë! Sot më shumë se kurrë, lutem për liri dhe drejtësi për të gjithë ne”, shkruan ajo.
Më pas ajo tregon edhe kuptimin e tri tatuazheve të saj, “Zjarri, burgu, dhe fluturat i dedikohen të gjithë qytetarëve të Kosovës që i mbijetuan luftës në vitin 1999, vitin kur unë linda”.
Fotografia e mëposhtme tregon edhe tatuazhet e artistes. /Insajderi.com
