Javën e kaluar në Bejrut, një shpërthim i papritur u kthye në tragjedi duke marrë jetën e qindra njerëzve dhe duke lënë mijëra të tjerë të lënduar.
Menagjeri i këngëtarit që njihet si The Weeknd, Wassim Slaiby, tregoi për bujarinë e tij në një postim në Instagram.
“Jam i nderuar që punoj me artistë që brengosen për botën dhe kujdesen për vëllezërit dhe motrat në Lebanon, që janë duke përjetuar dhimbje dhe kanë nevojë për ndihmë kolektive. Dëshiroj të falenderoj vëllaun tim The Weeknd, për aktin e tij bujar të dhurimit të 300.000 dollarëve për kampanjën e Lebanon Global Aid.”
Slaiby edhe vetë është me origjinë nga Libani, poashtu falenderoi edhe Michael Rapinon për donacionin prej 550.000 dollarëve dhe bëri thirrje “që të jepni aq sa mundeni dhe të ripostojmë në mënyrë që bota të bëhet bashkë dhe të ndihmojë Lebanonin në këtë tragjedi pikëlluese.”/Insajderi.com