Treshja e grupit të famshëm Lady Antebellum ka njoftuar se ata kanë ndërruar emrin e grupit meqenëse lidhet me skllavërinë, njofton Insajderi.
E gjithë kjo vjen pas protestave të zhurmshme në Amerikë, nisur nga vrasja e George Floyd.
Fjala ‘antebellum’ në emrin e grupit i referohet një epoke të skllavërisë. Antebellum (e njohur edhe si epoka antebellum ose epoka e plantacionit) ishte një periudhë në historinë e Shteteve të Bashkuara Jugore nga fundi i shekullit të 18-të deri në fillimin e Luftës Civile Amerikane në vitin 1861.
Tani nga “Lady Antebellum” grupi do të identifikohen vetëm si “Lady A”.
Grupi tha në Instagram se “ndjejmë keqardhje dhe turp për të thënë që ne nuk kemi marrë parasysh konotacionet që e rëndojnë këtë fjalë duke iu referuar periudhës së historisë para luftës civile, e cila përfshin skllavërinë”. Ata shtuan se ata ishin “duke bërë ndryshimet e nevojshme për të praktikuar antiracizmin” dhe duke i dhuruar Nismës për Drejtësi të Barabartë.
Grupi i cili u formua në vitin 2006 në Nashville, tha: “Kur u mblodhëm gati 14 vjet më parë, ne e emëruam grupin tonë pas stilit jugor ‘antebellum’ të shtëpive, ku bëmë fotot tona të para. Si muzikantë, ajo na kujtoi për të gjithë muzikën e lindur në jug që na influencoi … rock rock, blues, R&B dhe natyrisht country.”
